Kwayedza
VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: [email protected] kana [email protected]. Taura zita rako rizere, chikoro chako, giredhi, nenzvimbo inowanikwa chikoro chako.
* * *
MHINDURO DZESVONDO RAPERA:
Tiudze kuti kana uchifamba musango ukasangana nezvinhu zvinotevera izvi zvinenge zvichibva pai?
1. Tsotso (pamiti)
2. Mvere/mambava (pamakanda emhuka)
3. Makwati/makwande (pamiti)
4. Minhenga (pashiri)
5. Vhunurwa/guurwa (panyoka)
6. Madororo (pashiri)
7. Mashizha (pamiti)
* * *
ZVAKABVA KUVANA:
Rumbidzai Masaire wepaMutondwe Primary School anoti: Mumuti, mhuka, muti, shiri, nyoka.
* * *
Lydia Nhova ari kuita Form 1 paZinatsa, kuChivhu anoti: Pahuni, pamhuka, pamuti kana padanda, pashiri, panyoka kana pashamu, pamiti
* * *
Wishes Kutsva ari paChiva Primary, kuMagunje ndokutiwo: Mumiti, pamhuka, pamuti, pashiri, panyoka, pashiri, pamuti.
* * *
Nicole Chigariro wepaMazowe Mine Primary School ndokuti: Marengenya, kuseva, anofira, mangwana, tadya.
* * *
Kainos Gwamuri ari Grade 4 muHarare anoti: Remuti, pamhuka, pamuti, pashiri, panyoka, pamuti.
* * *
Obey Magwati wekuMbizo kuKwekwe
anoti: Marengenya, kuseva, mumbereko, mangwana, tadya.
* * *
Mhaka Simonia ari kuHopely, muHarare anotiwo: Mamvemve, kuseva, anofira, mangwana, tadya.
* * *
Tinovimba Mukomondero ari muGrade 5 Blue paZRP Braeside School, muHarare anoti: Ganda, kuseva, anofira, mangwana, tadya.
* * *
Kelvin Sakaja ari muGrade 4 paRupinda Primary School, kuHonde Valley ndokuti: Pamiti, pamhuka, pamiti, shiri, panyoka/padzvinyu, shiri, pamiti.