Kwayedza
VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: [email protected] kana [email protected]. Taura zita rako rizere, chikoro chako, giredhi, nenzvimbo inowanikwa chikoro chako.
* * *
MHINDURO DZESVONDO RAPERA:
Mavara ari kuruboshwe akakanyaniswa aya anovaka mazwi anoreva chinhu. Iwe uchishandisa rubatsiro rwemazwi anotsanangura chinhu chiri kudiwa ayo akapihwa kurudyi, ronga mavara akakanyaniswa aya kuti areve chinhu.
Mienzaniso:
1. apyuf – rera mhuka kana shiri pamba (pfuya)
2. mruibo – hunonama uye hunoteyeswa shiri (urimbo)
Chiitawo izvi:
1. ndaag – munorara mombe (danga)
2. nodgo – musha wakatamwa (dongo)
3. vsusuvu – tubota tutete twemurwere (usvusvu)
4. tiad – rinoshandiswa pamwe nemiseve (dati)
5. imesev – inoiswa padati (miseve)
* * *
ZVEKUITA SVONDO RINO:
Izwi rekuti kuvira rinoreva zvinhu zvina zvakasiyana. Tiudze zvinhu zvina zvarinoreva. Kana uchikwanisa shandisa mumutsara kuti unyatsoburitsa zvarinoreva.
* * *
Mhinduro muKwayedza svondo rinouya.
