Kwayedza
VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: [email protected] kana [email protected]. Taura zita rako rizere, chikoro chako, giredhi, nenzvimbo inowanikwa chikoro chako.
* * *
MHINDURO DZESVONDO RAPERA:
Nderipi izwi rakakodzera:
1. Akanokora —- yemaputi akandipa
a. tsama, b. svinga c. mbudu d. gasva
2. Sekuru vaiputa —- wefodya
a. mwanda b. murwi c. mudzanga d. chimuti
3. Mwana aba —- rose renyama
a. mudzonga b. nhindi c. poto d. gapu
4. Mwana achangorumurwa anonzi —-
a. gavamwedzi b. ndumurwa c. rusvava d. chimwana
5. Murume adarikidza zera rekuroora anonzi —-
a. Shasha b. bhachura c. mashura d. tsvimborume
MHINDURO:
1. (a) tsama
2. (c) mudzanga
3. (d) gapu
4. (b) ndumurwa
5. (d) tsvimborume
* * *
ZVAKANYORWA NEVANA:
Ndinonzi Tanyaradzwa Mhurushomana ndinodzidza Grade 4 paSt James Nyampara, kuWedza.
Hedzino mhinduro dzemibvunzo yesvondo rapera:
1. A; 2. C; 3. D; 4. B; 5. B
* * *
Ndinonzi Linda Masawi, ndinodzidza muGrade 5 paDandamera Primary School, kuConcession. Mhinduro yangu inoti nzungu nembambaira.
* * *
Zita rangu ndiPaidamoyo Chikandiwa ndiri kuita Form 4A paChamanhanzva High, kwaChivi. Ndinodawo rubatsiro kuti ndizive kuti ko mupanda 20 hatina sei? (Vadzidzisi batsirai Paidamoyo.)
* * *
Mwana wangu ari Grade 6 aitatarika neShona asi kubvira zvaakatanga kuunzirwa Kwayedza kumba musi weChina chega chega pave nemutsauko. Rambai makadaro veKwayedza. – Mai Gwinyai, 0772 489 488.
* * *
Ndinonzi Leroy Sekenhamombada, ndinodzidza paFuramera Secondary School, kwaChihota. Ndezvipi zvidzidzo zvatinowana mubhuku rinonzi Makunun’unu Maodza Moyo?
* * *
ZVEKUITA SVONDO RINO:
Titsanangurirewo zvinoreva madimikira anotevera. Edza kushandisa madimikira aya mumitsara yaunogadzira woga ugoti vakuru vakumakire zvawanyora.
1. Kusvinuka
2. Kuita pamuromo
3. Pamuromo pasingamharwe nenhunzi
4. Kugarira guyo sembwa
5. Kumera muswe
* * *
Mhinduro svondo rinouya.
