Kwayedza
SHASHA yemutambo wetennis, James Ward, akadashurwa zvine mutsindo naKevin Anderson kumakwikwi eShanghai Masters ayo akaitwa svondo radarika. Chizvarwa chekuSouth Africa, Ward, akaoneswa pfumvu padanho rekutanga apo Anderson aiuya zvine mutinhimira ndokundwa nezvibodzwa 3-6-6-3-6-2.
Ward ndiye ari panhamba 2 pashasha dzemutambo wetennis dzekuBritain zvakare ari panhamba 119 pashangwiti dzemutambo uyu pasi rose.
Akahwinha seti yekutanga bedzi asati atanga kuoneswa chitsvuku nechizvarwa chekuSouth Africa, Anderson asi, uyo akarwa amire uye pakupera kwemakwikwi aya akazohwinha nezvibodzwa zvinokwana 4-0.
Zvakadaro, shasha yekuBritain, Andy Murray achange akatarisana nedzimwe nyanzvi dzakadai saTeymuraz Gabashviili uyo anonzi mutambi wemhando yepamusoro. – BBC Sport News
