Kwayedza
TEMBO SAMAITA
Maita Mbizi, Chivara
Njuma yerenje, manjenjenje
Maita veChirovarova chaMutasa,
Tembo, Samaita.
Zvaitwa muroro,
Magunde evasikana.
Muzungu, Mutakurwa;
Mushambadzi wemachira.
Chitendera chamambo changu chichi;
Mbizi yakashonga mikonde savakadzi.
Zvaitwa Dhuve,
Chivara, mbizi yangu yiyi
Tatenda waMoyo.
Kuringa mbizi huringa makumbo,
Kuringa rukanda unoyeverwa.
Zvaitwa Dhuve rangu riri,
Rine makwapa-makwapa;
Mbizi, Dhuve rinoti kana richimhanya mumatombo
Kuatsika moto unopfuta kuti cheru cheru cheru.
Hekani waChikanga,
Mbizi chiverekete.
Maita Shumba yepasi.
Aiwa maita Tembo.
