Kwayedza
NDINE makore 32 okuberekwa uye ndinogara kuSoutherton, muHarare, kumusha ndichibva kuBuhera. Ndakazvarwa ndiri mumwe chete mumhuri medu. Ndiri mudzimai akaropafadzawa nevanasikana vana.
Ndinofarira kushumira shoko raMwari ndiri kuchechi yeAnglican uye ndiri munhu anoyemura vanhu vanoda kudya zveziya ravo. Handifariri vanhu vane husimbe pakufunga pamwe nekushanda sezvo simba uri mukaka. Yambiro yangu kune ruzhinji ndeyekuti munhu ngaasarase mbereko nekufirwa, kana uchinge wakundikana kubudirira pane zvaungade kuita unofanira kushingirira nekuda kwekuti misi hayifanani.
Pachikafu ndinofarira mutakura wemumhare nenzungu. Ndinoda kutenda vabereki vangu nekundibereka, kunyanya amai vangu – Mbuya Chipango – avo vanomira neni munhamo nemumatambudziko. Ndinoda kukwazisa vana vangu pamwe nevose vandinoshanda navo kuYoll Investments.
