Kwayedza
USAVI hwemufushwa wemuboora hunokurudzirwa zvikuru sezvo kuri kudya kwechivanhu kunosimudzira utano.
Svondo rino Julia Cosmas Mudereri wekuBindura anorondedzera mamwe mabikirwo eusavi uhu.
Zvinodiwa:
Chikari, poto kana pani, mugoti, chipunu, mufushwa wemuboora, hanyanisi, matomatisi nemunyu.
Mabikiro:
Tora hanyanisi nematomatisi wosuka nemvura inotonhora.
Cheka kuita zvidimbu zvidiki wogadza chikari pamoto.
Isa mvura uye kana yave kufashaira, tora muriwo woisa imomo kwemaminitsi gumi.
Chiisa hanyanisi imwe nematomatisi maviri wokwidibira zvombokwata kwemaminitsi mashanu.
Isa zvipunu zviviri zvedovi woramba uchikurunga kusvikira zvave kukwata segwata-gwata.
Isa munyu wakaringana.
Raidza wobura, munogona kudya nesadza remhunga, rezviyo kana rechibage.
