Kwayedza
Mhinduro yesvondo rapera:
Kuziva ambuya huudzwa.
Kuti uzosvika pakuziva, unenge wawana akudzidzisa nekukutsanangurira.
Zvekuita: Izwi rekuti “huudzwa” rinobatanidza mazwi maviri anoti: hunge + waudzwa.
Nyora tsumo iyi patsva uchishandisa mazwi maviri aya.
Mhinduro:
Kuziva ambuya hunge waudzwa.
* * *
Svondo rino:
Hove dzinokwira dzine muronga.
Zvinhu kuti zvibudirire kana kuti zvifambe zvakanaka, zvinoda kuitwa zvichitevedza gwara kana maitirwo azvo.
Muronga izwi rinobva pana goronga richireva mugero unoita kuti hove dzigone kufamba nawo.
Zvekuita: Tsvaga imwe tsumo inoshandisa izwi rekuti ronga, asi iyo ichitaura zvine chekuita negarwe.
* * *
Mhinduro svondo rinouya.
. Tumirai mhinduro panhare dzinoti: 0714 200 007
