Kwayedza
Muchaneta Chimuka
CHIKORO cheKutama Mission chine mukurumbira wekubura shasha munyaya dzedzidzo uye mumwe weshasha idzi mutungamiriri wenyika, President Mugabe.Vamwe vakadzidza paKutama vanosanganisira makurukota eHurumende anoti Cde Ignatius Chombo, Cde Walter Chidhakwa, Dr Douglas Mombeshora, Ambassador Christopher Mutsvangwa nemunyori mukuru mubazi rezvedzidzo yepamusoro, Dr Washington Mbizvo.
Dzimwe shasha dzefundo dzakaburwa nechikoro ichi ndedzinoti Director of State House Dr Innocent Dzepasi Tizora, Professor G. Kahari, Professor Nondo, Father Francis Emmanuel Ribeiro, Father Makusha, Father Chidavaenzi, Advocate Muchadeyi Masunda, Engineer Cletus Nyachowe, Dr Christopher Tapfumaneyi, VaAlbert Nhau, Dr T. Maposa naDr Saimaino.
Vamwewo ndevanoti aimbotambira chikwata cheDynamos Stanely Chirambadare, Shingirai Masakadza, nyanzvi mumutambo webasketball Stephen Mudawarima naMaxwell Madzudzo.
Kune vamwe vakawanda zvikuru vakadarika nepachikoro ichi zvekuti kuvadoma vose hazvisi nyore.
