Kwayedza
MUSHAKABVU VaSolomon Mangwiro Mutswairo, avo vakaberekwa mugore ra1924, ndivo vakanyora mazwi erwiyo rwenyika yeZimbabwe rwunonzi “Simudzai Mureza weZimbabwe”.
VaMutswairo ndivozve vakava mutema wekutanga kunyora bhuku renganonyorwa rinonzi Feso mururimi rwechiShona. Feso rakaburitswa mugore ra1957.
* * *
MUSHURE mekunge mushakabvu VaMutswairo vanyora mazwi erwiyo rwenyika yeZimbabwe, “Simudzai Mureza weZimbabwe”, VaFred Lecture Changundega, avo vakaberekwa mugore ra1954, vakazoita kuti mazwi akanyorwa naVaMutswairo aya akwanise kuimbika serwiyo. VaChangundega ishasha yekuronga nziyo nenzira inoita kuti dziimbike nekuridzika pachishandiswa zviridzwa zvakawanda.
