Kwayedza
SENZIRA yekukurudzira raramo yevana nekubatana pasi rose, sangano reUnited Nations International Children Emergency Fund (UNICEF) nomusi wa20 Mbudzi rakapemberera zuva guru revana nechinangwa chekusimudzira chirongwa cheZimbabwe Development Education Fund.
Gore rino, Unicef iri kushandisa ruvara rweblue mukuita makambeni ekutsvaga rutsigiro rwekuti dzidzo yevana inge ichisimudzirwa.
Vana vanokudzwa muhurombo vanosangana nematambudziko akaita sekukurumidza kuroorwa, kushungurudzwa, kusiira chikoro panzira nekushandiswa pasina muripo, pakati pezvimwe.
Ongororo yakaitwa neveWorld Bank Group neUNICEF senzira yekupedza hurombo hwakanyanya, inoratidza kuti vana 385 miriyoni vari kutambura pasi rose uye chikamu che50 percent chavo chiri munyika dziri muSub-Saharan Africa.
Pavanhu 13,1 miriyoni vari muZimbabwe, 48 percent (6,3 miriyoni) vana zvichibva paongororo yekuverengwa kwevanhu munyika ye2012 Population Census.
Chikamu che78 percent chevana ava (1,6 miriyoni) vanobva mumisha isingawanikwe kudya kunovaka muviri kwakakwana.
Chikamu che26 percent (1,6 miriyoni) vari kunetseka chikafu nekuda kwehurombo.
Hurumende inorambidza kudzingwa kwevana vanenge vasina kubhadharirwa mari dzefizi muzvikoro asi hazvisi kutevedzwa zvinova zviri kukanganisa dzidzo yevana.
“Nyaya dzemari yechikoro dziri pakati pevabereki nechikoro kwete mwana uye pasi pebumbiro remutemo, mwana wose ane kodzero yedzidzo,” vanodaro Professor Paul Mavima vanova gurukota redzidzo yepuraimari nesekondari.
Mumakore a2012 – 2015, UNICEF yakatsigira chirongwa chekuchengetedzwa kwemari inoona nezvedzidzo, cheEducation Development Fund (EDF).
Chirongwa cheEducation Transition Fund (ETF) chakabatsira mukudzoreredzwa kwedzidzo iyo yakange yava kuderera nekuda kwekuoma kweupfumi hwenyika mugore ra2000-2008.
Kubvira mugore ra2012-2015 chirongwa cheEDF chakawaniswa rutsigiro rweUS$115 miriyoni rwakabva kuhurumende yeFinland, Germany, Norway, Sweden, United Kingdom, European Union neOSISA.
Budiriro yechirongwa cheEDF:
- USD48 miriyoni yekusimudzira dzidzo iyo yakaendeswa kuzvikoro 6 000 ikabatsira vana 2,5 miriyoni
- Vadzidzisi 9 900 vakafundiswa kuti vange vachitsigira dzidzo yevechidiki (Early Child Development).
iii. Vakuru vezvikoro 9 500 vakadzidziswa nezvenyaya dzekuchengetedza mari.
- Vadzidzi vanodarika 32 000 vaive vasiira chikoro panzira vakakwanisa kupedza dzidzo yavo pamwe nekubatana nevamwe uye vamwe vechidiki 30 000 vakapedza kudzidziswa nyaya dzekurima.
- Kudzoreredza dzidzo.
Chirongwa cheEDF 11 chakaparurwa
